«Գարուն» միջոցառում նվիրված ՀԱՊՀ Վանաձորի մասնաճյուղի 60-ամյա տարելիցին

Posted by: | Posted on: Մայիսի 17, 2019

ՀԱՊՀ Վանաձորի մասնաճյուղի ավագ դպրոցի հերթական միջոցոռումը նվիրված էր մասնաճյուղի 60-ամյա տարելիցին: 10-րդ Ա դասարանի /դասղեկ Անահիտ Օդաբաշյան/ աշակերտները մեծ բավականություն պարգևեցին ներկաներին՝ ամբողջ դահլիճը լցնելով գարնան բույրով, ուրախ երգ ու պարով։


Խաղ մրցույթ «Քայլում ենք տնտեսագիտության հետ»

Posted by: | Posted on: Մայիսի 8, 2019


«Քեզ համար,Ազնավուր»

Posted by: | Posted on: Մարտի 26, 2019

Մարտի 21-ին ՀԱՊՀ Վանաձորի մասնաճյուղի ավագ դպրոցում տեղի ունեցավ «Քեզ համար, Ազնավու՛ր» խորագիրը կրող միջոցառում՝ նվիրված  երգիչ, երգահան, գրող, կինոդերասան և հասարակական գործիչ, Հայաստանի ազգային հերոս շանսոնյե Շառլ Ազնավուրի հիշատակին:

11-րդ ա դասարանի աշակերտները՝ դասղեկ Ա. Ղազարյանի ղեկավարությամբ ներկայացրին գրողի կյանքը, գրական-ստեղծագործական ուղին, ինչպես նաև հանդես եկան հեղինակի հրաշալի ստեղծագործություններով, որոնք լի էին սիրով և բարությամբ:

Միջոցառմանը մասնակցում էին ուսուցիչներ, հարգարժան հյուրեր, ծնողներ և աշակերտներ: Աշակերտներին հաջողվեց բանաստեղծություններով, երգ ու պարով հիացնել մասնակիցներին: Համոզված ենք, որ ջերմությամբ սերնդեսերունդ հիշելու ենք Շառլ Ազնավուրին, որպես հասարակական գործիչ, բանաստեղծ և Մեծ մարդ:


Ռուսական «Масленица» տոնը մեր դպրոցում

Posted by: | Posted on: Մարտի 23, 2019

ՀԱՊՀ Վանաձորի ավագ դպրոցը օրեր առաջ, ռուսաց լեզվի ուսուցչուհի Լուսինե Բարխուդարյանի նախաձեռնությամբ, նշեց ռուսական «Масленица» տոնը (Բարեկենդան)։ Միջոցառման նպատակն էր ուրախ տրամադրությամբ՝ երգ ու պարով, խաղերով հրաժեշտ տալ ձմռանը և դիմավորել գարունը։ Աշակերտները հանդես եկան տոնին հատուկ բեմադրություններով, կատակ-երգերով, խաղերով։ Ակտիվ էին նաև հանդիսատես-աշակերտները. մրցույթների հաղթողները ստացան տարբեր անակնկալներ։ Միջոցառման մասնակիցները հանդիսատեսի համար կազմակերպել էին փոքրիկ հյուրասիրություն։ Միջոցառման վերջում մասնակիցներն ու հանդիսատեսը միասին այրեցին Մասլենիցայի խրտվիլակը։ Ասում են՝ այրվող կրակն իր հետ տանում է բոլոր անհաջողությունները՝ բերելով գարնանային զվարթ տրամադրություն:


Այցելություններ Վանաձորի հիմնական դպրոցներ մասնագիտական կողմնորոշման շրջանակներում

Posted by: | Posted on: Մարտի 21, 2019

ՀԱՊՀ Վանաձորի մասնաճյուղի ավագ դպրոցի ներկայացուցիչները մասնագիտական կողմնորոշման շրջանակներում այցելում են Վանաձորի հիմնական դպրոցներ։ Նրանք 9-րդ դասարանի աշակերտներին ներկայացնում են, թե ինչ կարող է առաջարկել պոլիտեխնիկական բուհի կազմում գործող ֆիզմաթ թեքումով դպրոցը՝ կայուն գիտելիք, հագեցած լաբորատորիաներ, ռոբոտաշինության խմբակ, բազմազան ու հետաքրքիր արտադասարանական առօրյա։

 


Բիթբոքս բաթլի աշխարհի առաջնությանը Հայաստանն առաջին անգամ երկու ներկայացնողներից մեկը Սևան Շահնազարյանն էր

Posted by: | Posted on: Դեկտեմբերի 22, 2018

Հայաստանն առաջին անգամ մասնակցեց Բիթբոքս բաթլի աշխարհի առաջնությանը.

2018թ.-ի Օգոստոսի երեքից հինգը Բեռլինում տեղի ունեցավ Բիթբոքս բաթլի աշխարհի առաջնությունը (BBWC), որին առաջին անգամ մասնակցեց նաև Հայաստանի բիթբոքսի ազգային ասոցացիան: Յուրաքանչյուր երեք տարին մեկ անգամ տեղի ունեցող այս միջոցառմանը մոտ 50 երկրներից մասնակցում է բիթբոքսի ավելի քան 150 փերֆորմեր: Առաջին անգամ Հայաստանը մրցույթում ներկայացրեցին Հայաստանի բիթբոքսի ասոցացիայի անդամներ, ազգային ընտրական փուլը հաղթահարած ՀԱՊՀ Վանաձորի մասնաճյուղի 11-րդ դասարանի աշակերտ Շահնազարյան Սևանը և Սնխչյան Հայկը: Նրանց հետ Բեռլինում էին գտնվում նաև բիթբոքսի հայաստանյան ասոցացիայի նախագահ Բագրատ Տերտերյանը և Համլետ Հայրապետյանը, ով բեռլինաբնակ հայ է և տղաներին դիմավորել ու ուղղեկցել էր ամբողջ հինգ օրերի ընթացքում:

 


Posted by: | Posted on: Դեկտեմբերի 5, 2018

27.11.18-ին ՀԱՊՀ Վանաձորի մասնաճյուղի ավագ դպրոցի 11-րդ դասարանցիներն իրենց գիտելիքներն ամրապնդեցին ինֆորմատիկայի ուսուցչուհի Մ.Արզումանյանի Kahoot-ով պատրաստած հարցաշարի միջոցով։ Առցանց գործիքը մեծ հետաքրքրություն առաջացրեց աշակերտների մոտ։ Անգամ ցանկացողներ եղան սովորել kahoot-ով հարցաշար-վիկտորինաներ պատրաստել և օգտագործել միջդասարանային մրցույթներում։ Նոր տեխնոլոգիաները դասերը դարձնում են ավելի հետաքրքիր ու արդյունավետ:


ՀԱՊՀ Վանաձորի մասնաճյուղում տոնեցին ԲՈՒՀ-ի հիմնադրման 85 ամյակը

Posted by: | Posted on: Նոյեմբերի 13, 2018


Դպրոցի լիցենզիա

Posted by: | Posted on: Հունիսի 22, 2018

Licenzia_avag_dproc

Licenzia_HAPH_Vanadzor


Բաց դաս հայոց լեզվից «Տեղեկատվական ժանրեր» թեմայով

Posted by: | Posted on: Մայիսի 16, 2018

«Բարև ձեզ, հարգելի բարեկամներ, եթերում«Դպրոցական լուրերն» է». այսպես սկսվեց ՀԱՊՀ Վանաձորի մասնաճյուղի ավագ դպրոցի 10-րդ ա դասարանում հայոց լեզվից անցկացված բաց դասը։ Թեման տեղեկատվական ժանրերն էին։ Հայոց լեզվի դասաժամերին աշակերտներն ուսումնասիրել էին լրագրության մեջ օգտագործվող տեղեկատվական  ժանրերը և հայոց լեզվի ուսուցչուհի Տաթևիկ Աշուղաթոյանի հանձնարարությամբ տեսական գիտելիքները ցուցադրել գործնականում։ Նրանք պատրաստել էին ռեպորտաժներ, հարցազրույցներ ներդպրոցական միջոցառումների ու կարևոր նորությունների մասին։ Աշակերտներն ամեն ինչ արել էին ինքնուրույն՝ նկարահանումից մինչև մոնտաժում։ Դրա համար օգտագործել էին ինչպես սեփական հեռախոսները, այնպես էլ ռոբոտաշինության խմբակի լաբորատորիան։ Արդյունքում ստացվել էր 15 րոպե տևողությամբ «թողարկում», որում ընդգրկվել էին 6 տեսանյութեր և «եղանակի տեսությունը», որը հումորային բնույթ ուներ և ներկայացնում էր դպրոցական «ներզանգվածային երևույթներով» պայմանավորված  փոփոխությունները։ Իսկ մեկնաբաններն աշխատեցին «ուղիղ եթերում»։

Դատելով ծափահարություններից ու գովեստներից՝ աշակերտները լավ էին աշխատել։