Առանց կարգի

now browsing by category

 
Posted by: | Posted on: Հունիսի 22, 2018

Դպրոցի լիցենզիա

Licenzia_avag_dproc

Licenzia_HAPH_Vanadzor

Posted by: | Posted on: Մայիսի 16, 2018

Բաց դաս հայոց լեզվից «Տեղեկատվական ժանրեր» թեմայով

«Բարև ձեզ, հարգելի բարեկամներ, եթերում«Դպրոցական լուրերն» է». այսպես սկսվեց ՀԱՊՀ Վանաձորի մասնաճյուղի ավագ դպրոցի 10-րդ ա դասարանում հայոց լեզվից անցկացված բաց դասը։ Թեման տեղեկատվական ժանրերն էին։ Հայոց լեզվի դասաժամերին աշակերտներն ուսումնասիրել էին լրագրության մեջ օգտագործվող տեղեկատվական  ժանրերը և հայոց լեզվի ուսուցչուհի Տաթևիկ Աշուղաթոյանի հանձնարարությամբ տեսական գիտելիքները ցուցադրել գործնականում։ Նրանք պատրաստել էին ռեպորտաժներ, հարցազրույցներ ներդպրոցական միջոցառումների ու կարևոր նորությունների մասին։ Աշակերտներն ամեն ինչ արել էին ինքնուրույն՝ նկարահանումից մինչև մոնտաժում։ Դրա համար օգտագործել էին ինչպես սեփական հեռախոսները, այնպես էլ ռոբոտաշինության խմբակի լաբորատորիան։ Արդյունքում ստացվել էր 15 րոպե տևողությամբ «թողարկում», որում ընդգրկվել էին 6 տեսանյութեր և «եղանակի տեսությունը», որը հումորային բնույթ ուներ և ներկայացնում էր դպրոցական «ներզանգվածային երևույթներով» պայմանավորված  փոփոխությունները։ Իսկ մեկնաբաններն աշխատեցին «ուղիղ եթերում»։

Դատելով ծափահարություններից ու գովեստներից՝ աշակերտները լավ էին աշխատել։

Posted by: | Posted on: Ապրիլի 21, 2018

Զարմանահրաշ մաթեմատիկա

21.04.18թ.-ին ՀԱՊՀ Վանաձորի մասնաճյուղի ավագ դպրոցի Xգ դասարանը, դասղեկ Ա. Պապոյանի հետ, պատրաստել էր հետաքրքիր միջոցառում «Զարմանահրաշ մաթեմատիկա» խորագրով: Միջոցառմանն անդրադարձավ Տեղային հեռուստատեսությունը՝ Մոլորակ լրատվականը:
Տեսանյութը ստորև՝  1:20-4:50:

Posted by: | Posted on: Մարտի 28, 2018

«Դպրոցական կայքերի» մրցույթում ՀԱՊՀ Վմ-ի ավագ դպրոցը զբաղեցրեց 2-րդ տեղը

2017թ.-ի աշնանը Կրթական տեխնոլոգիաների ազգային կենտրոնը հայտարարեց «Դպրոցական կայքերի» մրցույթ, որին մասնակցեց նաև մեր դպրոցը: Կայքը պատրաստեց ՀԱՊՀ Վմ ավագ դպրոցի ինֆորմատիկայի ուսուցչուհի Մանուշ Արզումանյանը: Դպրոցի ողջ կոլեկտիվը աջակցեց նրան՝ ապահովելով բովանդակային մասը:

«Դպրոցական կայքերի» մրցույթն ամփոփվեց և արդյունքների ու հաղթող դպրոցների մասին տեղեկատվությունը ԿՏԱԿի կայքում և «Հայկական կրթական միջավայր» պորտալում տեղադրվեց 2017թ.-ի դեկտեմբերին: Մրցույթին մասնակցության հայտ էին ներկայացրել Երևանի և մարզերի 51 դպրոցներ: ՀԿՑ-ի կենտրոնական հանգույցում (WordPress համակարգի կաղապարով) ստեղծված և գործարկվող կայքերից մրցանակների էին արժանացել.

Առաջին մրցանակ-Կոտայքի մարզի Ֆանտանի միջնակարգ դպրոցի կայքը

Երկրորդ մրցանակ- Լոռու մարզի  ՀԱՊՀ Վանաձորի մասնաճյուղի ավագ դպրոցի կայքը

Երրորդ մրցանակ-Արարատի մարզի Արտաշատի Հովհ. Թումանյանի անվան հ.2 հիմնական դպրոցի կայքը

16.03.2018թ.-ին Կրթական տեխնոլոգիաների ազգային կենտրոնում տեղի ունեցավ հանդիպում «Դպրոցական կայքեր» մրցույթի հաղթող դպրոցների ղեկավարների և կայքերը գործարկող մասնագետների հետ:  ԿՏԱԿ-ի տնօրեն Ա.Պողոսյանը շնորհավորեց հաղթողներին, նրանց հանձնեց պատվոգրեր և մրցանակներ: Հանդիպման ընթացքում ԿՏԱԿ-ի աշխատակիցները հյուրերի հետ քննարկեցին արդյունավետ համագործակցության և կրթական ՏՀՏ-ների կիրառմանը վերաբերվող տարբեր հարցեր:

Մրցանակ ստացած երաժշտական կենտրոնը մեծապես կօգնի ավագ դպրոցում իրականացնել բազում հետաքրքիր միջոցառումներ:

 

 

 

Posted by: | Posted on: Մարտի 23, 2018

Սեղանի թենիսի առաջնություն

ՀԱՊՀ Վանաձորի մասնաճյուղում շարունակվում են պոլիտեխնիկի հիմնադրման 85-ամյակին նվիրված միջոցառումները։ Այս անգամ կազմակերպիչները ՀԱՊՀ Վանաձորի մասնաճյուղի ավագ դպրոցի դաստիարակչական աշխատանքների կազմակերպիչ Մարթա Գալստյանը և ուսանողական ու աշակերտական խորհուրդներն էին։
Մարտի 23-ին սեղանի թենիսի առաջնությունում մրցեցին ՀԱՊՀ Վանաձորի մասնաճյուղի ուսանողներն ու ԲՈՒՀ-ի ավագ դպրոցի աշակերտները։

Posted by: | Posted on: Մարտի 17, 2018

«Ուրախ ինֆորմատիկա» խաղ-մրցույթ

ՀԱՊՀ Վանաձորի մասնաճյուղում մեկնարկել է համալսարանի հիմնադրման 85-ամյակին նվիրված միջոցառումների շարքը: Ավագ դպրոցի 11-րդ դասարանի աշակերտները՝ դասղեկ Հասմիկ Հովհաննիսյանի նախաձեռնությամբ, կազմակերպել էին «Ուրախ ինֆորմատիկա» խաղ-մրցույթ, որի նպատակը մասնագիտական կողմնորոշման հարցում աշակերտներին ճիշտ ուղղորդելն էր: Տեղեկատվական տեխնոլոգիաների ոլորտը Հայաստանի տնտեսության ամենահաջողակ և արագ աճող ճյուղերից մեկն է, այն նպաստում է երկրում տեխնոլոգիական նորարարության և արտադրողականության բարձրացմանը, ուստի այս նպատակով ծրագրեր են իրականացվում աշկերտներին կողմնորոշելու դեպի ՏՏ ոլորտը:
Մասնաճյուղի տնօրեն Արմեն Խառատյանը, ողջունելով և շնորհավորելով աշակերտներին միջոցառման առիթով, հայտնեց բարի լուր այն մասին, որ Հայսատանի ազգային պոլիտեխնիկական համալսարանը ստացել է եվրոպական ինստիտուցիոնալ հավատարմագրման որոշում: Սա բուհի համար կարևոր գնահատանք և իրադարձություն է, միևնույն ժամանակ պարտավորեցնող՝ ավելի լավ և որակյալ կրթական ծառայություններ մատուցելու համար:
Վիկտորինային մասնակցում էին «Ինֆոմաններ» և «404» թիմերը. մեկ միավորի տարբերությամբ հաղթեց «404» թիմը: Աշակերտները ներկայացրին իրենց ունակությունները ինֆորմատիկայի, տեղեկատվական տեխնոլոգիաների, ինչպես նաև՝ ստեղծագործական ոլորտում, որը զարգացրեց սովորողների ստեղծագործական ունակությունները, հասարակական ակտիվությունը և մեծացրեց նրանց հետաքրքրությունն ընտրած մասնագիտության նկատմամբ:

Posted by: | Posted on: Մարտի 12, 2018

Յուրատիպ անակնկալ «Մարտի 8»-ի առթիվ

Անակնկալը պատրաստելու համար աշակերտական խորհրդի անդամները դպրոց էի շտապել լույսը բացվելուն պես. պետք էր հասցնել փուչիկներով զարդարել միջանցքը, առաստաղից կախել մաղթանքներով փոքրիկ բացիկներն ու կազմ-պատրաստ սպասել տոնական միամսյակի «տերերին», որպեսզի դուռը բացվելուն պես միահամուռ հնչեցնեն՝ շնորհավորում ենք։ Ուսուցչանոցում հաջորդ անակնկալն էր՝ կոնֆետների տուփը, որում յուրաքանչյուր ուսուցչուհի գտավ իր «պիտակով» անվանական շոկոլադը։

Posted by: | Posted on: Փետրվարի 14, 2018

Բաց դաս հայ գրականությունից

ՀԱՊՀ Վանաձորի մասնաճյուղի ավագ դպրոցում այս անգամ բաս դաս էր. 10-րդ «գ» դասարանում: Աշակերտները (հայոց լեզվի և գրականության ուսուցչուհի՝ Տաթևիկ Աշուղաթոյան) ներկայացրին Սայաթ-Նովայի «Աշխարըս մե փանջարա է…» խաղը։ Սակայն մինչև աշուղ-բանաստեղծի ստեղծագործության վերջակետը համարվող այս խաղին անդրադառնալը տասներորդցիները ներկայացրին մեծ սիրերգուի և մեծ խրատատուի կյանքի ու ստեղծագործության այն մանրամասները, որոնք ի վերջո հանգեցրին պալատից վերջնական վտարմանը, ինչի արդյունքում էլ ծնվել է «Աշխարըս մե փանջարա է…» խաղը։ Բաց դասը հագեցած էր նոր մոտեցումներով, երգով ու պարով: Աշակերտների ոգևորությունը փոխանցվում էր նաև դասալսողներին:

Posted by: | Posted on: Հունվարի 29, 2018

Yandex ծրագրավորման դպրոցի առաջին 26 շրջանավարտները պարգեւատրվել են հավաստագրերով:

Yandex ծրագրավորման դպրոցի շրջանավարտներից 8-ը ՀԱՊՀ Վանաձորի մասնաճյուղի աշակերտներ են:

2017 թվականի հունվարի 21-ից Վանաձորի տեխնոլոգիական կենտրոնում մեկնարկած դասընթացները, որ կազմակերպվեցին շաբաթը երկու անգամ պարբերականությամբ, իրականություն դարձան Ձեռնարկությունների ինկուբատոր հիմնադրամի եւ Yandex ծրագրավորման դպրոցի ու Yandex taxi ընկերության համագործակցության շնորհիվ: Նախագիծը 9-11-րդ դասարանների աշակերտների համար էր, որոնք ցանկություն կհայտնեին ձեռք բերել ծրագրավորման նախնական հմտություններ: Եվ ահա հնարավորությունն ստեղծվեց հենց Վանաձորի տեխնոլոգիականում, երբ հայտարարված մրցույթին ներկայացած 147 դպրոցականներից ընտրվեցին 28-ը՝ մասնակցելով անվճար դասընթացներին:

Աղբյուրը` Loritv.am

Posted by: | Posted on: Հունվարի 25, 2018

16-ամյա Վահե Ասլոյանը ստեղծում է արհեստական բանականությամբ և վիրտուալ իրականությամբ խաղեր

16-ամյա աշակերտ Վահե Ասլոյանը, չնայած իր տարիքին, արդեն մի քանի խաղի հեղինակ է, որոնք համալրված են արհեստական ինտելեկտի և վիրտուալ իրականության տարրերով:
Վահեն Հայաստանի ազգային պոլիտեխնիկական համալսարանի Վանաձորի մասնաճյուղի ավագ դպրոցի սան է, հաճախում է նաև «ԱրՄաթ» ինժեներական լաբորատորիա, իսկ իր ապագա կրթությունը պատկերացնում է հենց ՏՏ ոլորտում:

«Վաղ հասակից սիրում եմ համակարգչով զբաղվել, բացի դրանից, ՏՏ ոլորտը շատ հեռանկարային է, քանի որ անընդհատ զարգանում է»,- պատմում է Վահե Ասլոյանը:

Չնայած երիտասարդ տարիքին՝ Վահեն արդեն աշխատում է X-TECH ընկերությունում:
«Հենց հիմա ես աշխատում եմ X-TECH ընկերությունում՝ որպես խաղերի ծրագրավորող: Առաջին խաղը ստեղծել եմ իմ եղբայր Նարեկ Ասլոյանի հետ՝ KODU ծրագրով: Այն ուներ Deathrun անվանումը: Այդ խաղով մենք հաղթեցինք Վանաձորի Տեխնոլոգիական կենտրոնում կազմակերպված մրցույթում: Հետո իմ ստեղծած Afterworld խաղով մասնակցեցի Ինֆորմացիոն տեխնոլոգիաների ձեռնարկությունների միության կողմից կազմակերպված Digicode 2017 մրցույթին և արժանացա «Լավագույն դիզայն» անվանակարգին:

Հետո ես սկսեցի զբաղվել ավելի պրոֆեսիոնալ ծրագրով՝ unreal engine 4, որի շնորհիվ ես ստեղծեցի խաղ՝ Rising Hope անվանումով, և ցուցադրեցի այն Digitech 2017-ին»:
Ըստ խաղի սցենարի՝ 2054 թվականին բժիշկները փորձել են քաղցկեղի դեմ դեղ արտահանել, բայց չի ստացվել։ Բնակչությունը վարակվել է այդ հիվանդությամբ, բացի մեկ միլիոն մարդուց, որոնց տեղափոխել են «Կալիստո» կոչվող տիեզերական կայան։ Հետագա իրադարձությունները զարգանում են «Կալիստոյում»։ Այս խաղի մեջ առկա է լավ զարգացած արհեստական բանականություն, որը պարբերաբար ուսումնասիրում է խաղացողի կատարած սխալները և ուղղում դրանք հենց խաղացողի դեմ: Խաղի մեջ առկա է նաև 3 գլխավոր հերոս, որոնց խաղի ընթացքում հարկավոր է կառավարել՝ համատեղ ջանքերով փորձությունները հաղթահարելու համար:

« Նախատեսված չափերով աշխատանքները կատարված են, բայց դեռ խաղը թերի վիճակում է»:

Rising Hope խաղում Վահեն աշխատել է արհեստական ինտելեկտի հետ:
«Մշակումներն ամբողջությամբ ես եմ իրականացրել՝ օգտագործելով C++ և Blueprint ծրագրավորման լեզուները: Արհեստական բանականության հետ սովորել եմ աշխատել ինքս՝ անընդհատ աշխատելով նոր և նոր մեթոդներ կիրառել»:

Հիմա աշխատանքները ժամանակավոր դադարեցված են: Վահեի խոսքով՝ խաղը հասանելի կլինի 3-4 ամսից: Խաղը նախատեսվում է թողարկել Steam հարթակում, իսկ հետո՝ ադապտացնել Android և IOS օպերացիոն համակարգերի համար:

Վահեն նշում է, որ այս պահին աշխատում է Virtual Reality նախագծի վրա X-TECH ընկերությունոմ: «Այդ պրոյեկտի անունը Orcz Evolve է: Այն իրենից ներկայացնում է action ժանրի խաղ, որտեղ մենք գտնվում ենք օրկերի և գոբլիների մոլորակում և պետք է պաշտպանենք պորտալը, որպեսզի նրանք չկարողանան ներխուժել Երկիր մոլորակ:
Այս խաղը մեկ ամսից կհայտնվի Steam հարթակում և պարբերաբար կունենա թարմացումներ»,- պատմում է Վահեն:

Աղբյուրը`  168hours